Entre algúns dos obxectivos do KUKUmobil están:

• Darlle visibilidade a unha das técnicas culturais máis antigas da humanidade. De xeración en xeración este coñecemento foi herdado e ampliado para convertelo en sabedoría colectiva.
• Reivindicar a conservación deste ben cultural inmaterial. Esta non debe ser tarefa duns poucos, senón dunha sociedade decidida a garantir que as xeracións vindeiras poidan ter acceso a este tesouro.
• Reflexionar xuntos sobre o futuro do espazo europeo e a estrutura da nosa sociedade. O traballo rematado reflectirá a diversidade de realidades e identidades europeas. Será ao mesmo tempo unha metáfora do tecido social e cultural do que forman parte, e un manifesto a prol dunha Europa social ao servizo da sociedade civil.
• Recuperar a dimensión humana de tamaño, velocidade, percepción, complexidade e forza creativa. O KUKUmobil busca un equilibrio entre o impulso humano de idear e actuar a unha escala extraordinaria, e a necesidade urxente de desenvolver prácticas sostibles e equitativas.
• Comprender o factor tempo doutro xeito, tanto no contexto cotiá como no filosófico; slow art e slow living poden abrir a porta a unha forma de vida máis consciente.
• Achegar a transmisión do coñecemento ao espazo público. O KUKUmobil redefine o espazo público como un lugar para experimentar a comunidade e a identidade colectiva. Fai da aprendizaxe e da creación artística algo cotiá e accesible a todos.